Tədbiri açan universitetin TGT- təşkilatının sədri Rauf Vəliyev bildirdi ki, Azərbaycan Dövlət Mədəniyyət universitetinin məzunu, gənc aktyor və qiraətçi Səfa Mehdi bu ədəbi- bədii poeziya gününün qonağıdır. O, Səfa Mehdi haqqında qısa məlumat verərək dedi ki, Nəsimi qəzəllərinin mahir ifaçısı kimi indiyədək bir çox universitetlərdə bu mövzu ilə bağlı çıxışlar edib.

Gənc aktyor, istedadlı qiraətçi Səfa Mehdi, söz xəzinəmizi öz əsərləri ilə zənginləşdirən, ədəbiyyatımızda fəlsəfi şeirin əsasını qoyan dahi Azərbaycan şairi Nəsiminin “ Oyan”, “Ayrılır”, “Ağrımaz”, “Səfər eylə” və bu kimi qəzəllərini musiqinin müşayəti ilə yüksək səviyyədə, obrazlı şəkildə ifa etdi.