• 29/12/2019 00:00

Dekabrın 29-da Azərbaycan Tədris Cərrahiyyə Klinikasında seminar keçirilib. Neonatologiya şöbəsinin müdiri Aygün Rüstəmxanlı seminarı açıq elan edib. “Neonatal sarılıq” mövzusunda məruzə ilə çıxış etmək üçün sözü rəhbərlik etdiyi şöbənin rezidenti Təhminə Həbibliyə verib. Rezident etdiyi məruzədə yenidoğulmuşlarda sarılığın yaranma səbəbləri, xəstəliyin əlamətləri, müayinə- müalicə üsulları və digər məsələlərlə bağlı seminar iştirakçılarına geniş məlumat verib. Seminar diskussiya əsasında öz işini başa vurub. Məruzəçi ona verilən sualları ətraflı şəkildə cavablandırıbdır.