Layihə çərçivəsində  rezidenturaya hazırlaşan tələbə və məzunların hazırlıq prosesinə dəstək vermək məqsədi ilə müvafiq fənnlər üzrə ekspertlərin tələbələrlə  onlayn görüşləri  təşkil olunur.
Layihə çərçivəsində beşinci  onlayn görüş-vebinar Patoloji fiziologiya fənni üzrə baş tutub. Azərbaycan Tibb Universitetinin Patoloji fiziologiya kafedrasının Dosenti Sərdar Əliyev tələbələrlə görüşərək, fənn üzrə imtahana hazırlaşmağa dair tövsiyələrini iştirakçılarla bölüşüb və iştirakçılar tərəfindən ünvanlanan sualları cavablandırıb. Onlayn görüş Zoom platforması üzərindən həyata keçirilib və təşkilatın feysbuk səhifəsində canlı yayımlanaraq geniş izləyici kütləsinə çatdırılıb.
Fənn üzrə vebinarlar 25 və 28 iyul tarixlərində baş tutub. 2 vebinarda ümumilikdə 350 nəfərdən çox tələbə və məzun iştirak edib.

 

Məlumat üçün qeyd etmək istəyirik ki, ekspert müəllimlər tələbələrin ümumi rəyinə əsasən müəyyən olunub.
Növbəti vebinarlar haqqında məlumat almaq üçün Azərbaycan Tibb Universitetinin  və Azərbaycan Tibb Universiteti Tələbə Gənclər Təşkilatının sosial media hesablarını izləməyiniz xahiş olunur.

Patoloji fiziologiya fənni üzrə vebinarları təkrar izləmək üçün keçid :