• 28/12/2020 00:00

Azərbaycan Tibb Universitetinin (ATU) İctimai Səhiyyə fakültəsinin rəhbərliyi fakültə sərəncamında olan kafedralar ilə onlayn görüşlər keçirib.

Görüşlər haqda məlumat verən ATU dekanı, professor Anar Ağayev əsas məqsədin 2020-2021-ci tədris ilinin qış imtahan sessiyasına hazırlığın vəziyyətini müzakirə etmək olduğunu bildirib. Həmçinin Dövlət İmtahan Mərkəzinə testlərin göndərilib-göndərilməməsi, imtahan suallarını hazırlayan ekspertlərlə təkrar söhbətin aparılması, bundan əvvəlki dövrdəki imtahanda hansısa kafedradan apelyasiyaya müraciət olunduğu halda təsdiqlənən sualların dəyişdirilib-dəyişdirilməməsi haqda danışılıb.

Eyni zamanda, dərslərdə tələbələrin aktiv iştirakı, gələcəkdə də fakültə üzrə onlayn dərslərin aparılmasının keyfiyyətinin yüksəldilməsi məsələləri müzakirə olunub.