ATU ilə Xarkov Milli Tibb Universiteti arasında onlayn tədbir keçirilib.

Azərbaycan Tibb Universiteti ilə Ukraynanın Xarkov Milli Tibb Universiteti arasında ikitərəfli əməkdaşlıq proqramı çərçivəsində növbəti tədbir həyata keçirilib.

Azərbaycan Tibb Universitetinin I Uşaq xəstəlikləri kafedrasının dosenti Gülnaz Ağayeva Xarkov Milli Tibb Universitetinin pediatriya ixtisası üzrə həkim-internləri üçün “İnkişaf pediatriyası” mövzusunda onlayn mühazirə oxuyub. Tədbir ATU və XMTU beynəlxalq əlaqələr şöbələrinin birgə təşkilatçılığı sayəsində baş tutub. Mühazirə dinləyicilər tərəfindən maraqla qarşılanıb.