• 07/01/2015 00:00

Bu gün rektor Əhliman Əmiraslanov ATU-da qış imtahan sessiyasının gedişi ilə tanış olub. Rektor imtahanları  izləyib,  tələbələrin imtahanların gedişinə münasibəti ilə maraqlanıb. Tələbələr yaradılan şəraitdən və imtahanların gedişindən razı qaldıqlarını bildiriblər.

  İmtahanlar ATU-nun Virtual Test Mərkəzində (VTM), test üsulu ilə kompyüterlər vasitəsilə aparılır. Hər bir tələbə VTM-də şəxsi kodu ilə sistemə daxil olub müvafiq fəndən 1 saat ərzində 50 sualı cavablandıraraq imtahan nəticəsini bilir. İmtahanların gedişinə nəzarətçilər və zallarda quraşdırılmış kameralar  vasitəsilə nəzarət olunur. İmtahanların bu üsulla aparılması tam obyektivliyin təmin olunmasına xidmət edir.  Burada hər gün 2300-2500  tələbə imtahan verir. Bu günədək  imtahanlarda   heç bir texniki problem yaranmamışdır.

  Qeyd edək ki, ATU-da qış imtahan sessiyasına bir həftə əvvəldən start verilib. Bu müddət ərzində rektor ikinci dəfədir ki, imtahanların gedişi ilə tanış olmaq məqsədilə imtahanların keçirildiyi VTM-də olur.