• 19/03/2024 15:53

Azərbaycan Uşaq Nevroloji Cəmiyyətinın təşkilatçılığı ilə ATU-nun Nevrologiya  kafedrası Rezidentura və Magistratura şöbəsi ilə birgə ATU-nun Tədris Terapevtik Klinikasında Miqren baş  ağrısına həsr olunmuş  növbəti  dəfə seminar keçiriblər. "Baş Ağrısı Maarifləndirmə Həftəsi" fəaliyyətləri çərçivəsində keçirilən seminara moderatorluq edən Rezidentura və magistratura şöbəsinin müdir müavini, assistent Namiq Xəlilovun tədbirin aktualliginı diqqətə çatdıraraq  vurğulayıb ki, miqren halhazırda dünyada ən çox yayılmış  xəstəliklərdəndir. Nevrologiya kafedrasının müdiri, professor isə Aytən Məmmədbəyli  çıxışında baş ağrıları və nevroloji problemlərin dərindən öyrənilməsi üçün cavan mütəxəssislərdə marağın yaranması üçün belə tədbirlərin davamlı olmasını aparılmasını təklif edib.

Məruzəçi Almaniyanın Christian Albrechts Universitetində Miqren və Baş ağrıları üzrə master dərəcəsini almış, Beynəlxalq Baş ağrılar Cəmiyyətinin (İHS) üzvü, Beynəlxalq Baş ağrılar Cəmiyyətinin Qrand mükafatçısı olan Azərbaycanın "Miqren və baş ağrılar" üzrə ilk mütəxəssisi Dr. Sərxan Əmirquliyev çıxışında onun təşəbbüsü ilə  həyata keçirilən "Baş Ağrısı Maarifləndirmə Həftəsi" fəaliyyətləri çərçivəsində və eləcə də   "Miqren Dostu Xəstəxanası" nın konsepti ilə beynəlxalq kampaniyaya başlamaqdan qürur duyur. O, bildirib ki, qadınlar kişilərdən 2-3 dəfə daha çox miqrendən və baş ağrıları xəstəliklərindən əziyyət çəkirlər. Epidemioloji tədqiqatlar miqrenin yayılmasının 11%-ə qədər (5-25%) olduğunu təxmin edir.  Mütəxəssis onu da əlavə edib ki, tibb işçilərinin baş ağrılarının aradan qaldırılması və onların daha yaxşı idarə edilməsi tibb xidmətinin  daha keyfiyyətli qayğı ilə  təmin olunmasına zəmin yaradır.

Maraqlı keçən tədbirdə iştirakçıları düşündürən suallar cavablandırılıb. Tədbirdə klinikanın baş həkimi Fəridə Hacıyeva, həkimlər, rezidentlər və tələbələr iştirak edib.