Professor onu da qeyd edib ki, klinikada yeni camaşırxana qurulub, Respublika Səhiyyə Nazirliyinin və Universitet Rektorluğunun yaxından dəstəyi ilə ən müasir texnologiyalar əsasında Qan Bankı yaradılıb, sümük iliyi transplantasiyası məqsədi ilə kök hüceyrələri, trombositləri ayırmaq və saxlamaq üçün yeni cihazlar alınıb , laboratoriyalarda tam avtomatlaşdırılmış sistemlə çalışan EÇS və 33 parametrli qanın ümumi analizini aparmaq imkanı olan cihazlar quraşdırılıb. Ötən tədris ilində Tədris Terapevtik Klinikanın qəbul şöbəsi genişləndirilib, yeni təcili tibbi yardım avtomobili alınıb. Bundan əlavə, Fransa istehsalı olan və qaraciyərin ən müasir diaqnostik cihazi hesab olunan “Fibroscan” aparatı artıq klinikaya daxil olduğu quraşdırıldığı da diqqətə çatdırılıb.

  Çıxışı zamanı klinada aparılan təmir işlərinə də toxunan S.N.Musayev yeni tədris ili üçün klinkanın tam hazır vəziyyətə gətirildiyini, təhsilin keyfiyyətinin artırılması məqsədilə tədris otaqlarının hər birinə nəzarət kameralarının quraşdırıldığı söyləyib. Klinikanın direktoru tədbirin yekununda qarşıda quran vəzifə və öhdəlikləri diqqətə çatdırıb,yeni tədris ilinin başlanması münasibəti ilə hər kəsi təbrik edib.