Dekan, tibb üzrə fəlsəfə doktoru, dosent İsmayıl Əfəndiyev bildirir ki, rektorun əmri ilə yaradılmış xüsusi komissiya ATU-ya müraciət etmiş xarici vətəndaşların təqdim etdiyi sənədləri araşdırıb. Bundan sonra tələbə olmaq istəyən əcnəbi abituriyentlər üçün yazılı imtahan keçirilib. Esse sınağında 34 nəfər iştirak edib. Bunlarda 32 nəfərin dil biliklərinin lazımi səviyyədə olduğu müəyyənləşib. Onlar ATU-nun hazırlıq və birinci kursuna qəbul ediliblər.

  Bu tədris ilində ATU-ya qəbul olunmuş xarici tələbələrlə universitetin tədris işləri üzrə prorektoru, professor Sabir Əliyev və beynəlxalq əlaqələr üzrə prorektor Rəhimə Qabulova görüşüb. Prorektor onlara təhsildə uğurlar arzulayıb, hər bir kəsə gələcəkdə öz ölkələrində peşəkar həkim olmağı diləyib.