Qeyd edək ki, bu gün 4 illik proqram üzrə təhsil alan 56 rezident-tələbə imtahandan keçib. İmtahanlar şəffaf şəkildə aparılıb. Səhiyyə Nazirliyinin əmrinə əsasən, imtahanlara nəzarət xüsusi komissiya tərəfindən aparılır. Komissiyaya hər bir ixtisas üzrə professorlar və kafedra müdirləri daxil edilir.

  ATU-da keçirilən yekun attestasiyalarda imtahan komissiyasının sədri rektor Əhliman Əmiraslanov, komissiyanın sədr müavini, Səhiyyə Naizrliyinin elm-təhsil şöbəsinin üzrə mütəxəssisi Təranə Əhmədova, məsul katib isə ATU-nun Rezidentura şöbəsinin müdiri Rizvan Məmmədovdur.

  Xatırladaq ki, Səhiyyə Nazirliyinin 08 oktyabr 2015-ci il tarixli əmrinə əsasən 27 ixtisas üzrə Attestasiya Komissiyası təşkil olunub. Yekun attestasiyanın iki mərhələdə – yazılı, test üsulu ilə və praktiki vərdişlərin yoxlanılması formasında həyata keçirilir. Ilkin mərhələ - test imtahanı oktyabrın 23-də ATU-nun Virtual Test Mərkəzində (VTM) baş tutub. Yekun attestasiyanın test mərhələsindən müvəffəqiyyətlə keçən rezidentlər ikinci mərhələdə – praktiki vərdişlərin yoxlanılmasında iştirak ediblər.