TTK əməkdaşlarından ibarət işçi qrupun təşəbbüsü ilə, AÜÇR, ilkin mərhələdə Tibb Universitetinin Tədris-Terapevtik Klinikasının bazasında, pilot olaraq Klinik Registr kimi təsis edilib.

  Artıq bir neçə gündür ki, TTK-nin Ürək Mərkəzində Ürək Çatışmazlığı diaqnozu ilə müayinə və müalicə olunan xəstələrin qeydiyyatına başlanılıb. Bunun üçün ATU-nun TTK-nın və Azərbaycan Səhiyyə Nazirliyi İSİM əməkdaşlarından ibərət ekspertlər qrupu tərəfindən xüsusi sorğu anketi hazırlanıb və İSİM-in Səhiyyə Siaysəti və İslahatlar Şöbəsi tərəfindən on-line elektron forma şəklində proqramlaşdırılıb. Klinik registrin tətbiqinə müvəffəqiyyətlə başadıqdan sonra, TTK-nın müsbət təcrübəsi həkimlərin xüsusi təlim və məlumatlandırılması ilə parallel olaraq, Bakı şəhəri və Respublikanın bölgələrinə yayılacağı planlaşdırılıb.

  Qeydiyyatdan keçmiş ÜÇ-dan əziyyət çəkən xəstələrin diaqnostikası və müalicəsində istifadə edilən strategiyalar, beynəlxalq kardioloji cəmiyyətlər və Səhiyyə Nazirliyinin təsdiq etdiyi klinik protokollarda yer almış tövsiyələrin tətbiqi qiymətləndiriləcək, nəticələr təhlil ediləcək və bu barədə elmi və ictimai səhiyyəyə dair dərgilərdə mütəmadi məlumat veriləcək.

  Qeyd etmək istərdik ki, bu layihə ölkəmizdə Ürək-damar xəstəliklərinin qeydiyyatı üçün tətbiq edilən və geniş miqyasda həyata keçiriləcək ilk registr olub, gələcəkdə daha çox nozologiyaların əhatə olunmasını nəzərdə tutur.