ATU-nun Stomatologiya fakültəsinin V kurs tələbəsi İlya Rexlin “Startup School 3” layihəsi çərçivəsində keçirilən “Yaşıl və Rəqəmsal İpək Yolu” beynəlxalq akselerasiya proqramının Final – Demo Day tədbirində ən yaxşı 20 startap arasında öz layihəsini təqdim edib.

İlya Rexlin 140 müraciət arasından aparılan çoxmərhələli seçim prosesinin nəticəsi olaraq, akselerasiya mərhələsinə keçmiş 126 komanda içindən finalda iştirak hüququ qazanan ən güclü startapçılar sırasında yer alıb.

Final – Demo Day sərgisində o, startap layihəsini təqdim edərək klinik yanaşmasını, texnoloji düşüncəsini və sahibkarlıq bacarıqlarını nümayiş etdirib. Onun iştirakı ATU-da tələbə innovasiyalarının inkişaf dinamikasını və tibbi texnologiyalar sahəsində yaranan yeni imkanları bir daha ön plana çıxarıb.

İlyanın hazırlıq və iştirak prosesində ona Elmi Tədqiqatların İdarə Edilməsi Departamentinin nümayəndələri, həmçinin ATU-nun startap mentorları Ayət Cəfərova, ATU-nun startap koordinatoru Püsən Məmmədova dəstək göstəriblər. Final Demo Day tədbiri 21 noyabr 2025-ci il tarixində Azərbaycan İnnovasiya Mərkəzində keçirilib və startap sərgisi, netvörkinq sessiyaları, eləcə də investorlar və regional innovasiya ekosisteminin nümayəndələri qarşısında təqdimatlarla davam edib.