16-22 mart 2026-cı il tarixlәrindә Azәrbaycan Tibb Universitetinin (ATU) Nevrologiya kafedrasının dosenti Rahim Әliyev Belçikanın paytaxtı Brüssel şәhәrindә keçirilmiş “Avropa Beyin Sağlamlığı Sammiti” vә “Avropada vә ondan kәnarda nevrologiyanın inkişafının güclәndirilmәsi” adlı beynәlxalq tәdbirlәrdә iştirak edib. Tәdbir Avropa Nevrologiya Akademiyası (European Academy of Neurology) tәrәfindәn tәşkil olunub.

Beynәlxalq görüşdә 50-yә yaxın ölkәni tәmsil edәn nevrologiya cәmiyyәtlәrinin nümayәndәlәri iştirak ediblәr. Dosent Rahim Әliyev Azәrbaycan üzrә nevrologiyanın inkişaf prioritetlәrini tәqdim edib, eyni zamanda müxtәlif ölkәlәrdәn olan mütәxәssislәrlә birlikdә sahә üzrә aktual mәsәlәlәrin müzakirәlәrindә fәal iştirak edib.

Tәdbirin mühüm nәticәlәrindәn biri kimi Avropa Nevrologiya Akademiyası (European Academy of Neurology) Azәrbaycan üzrә nümayәndәsinin yenidәn seçilmәsini hәyata keçirmişdir. Bu vәzifәyә ATU-nun Nevrologiya kafedrasının müdiri, professor Aytәn Mәmmәdbәyli seçilib.

Eyni zamanda, tәdbir çәrçivәsindә üzv cәmiyyәtlәrin nümayәndәlәrinin iştirakı ilә Avropada beyin sağlamlığının vә nevrologiyanın inkişafının tәşviqinә yönәlmiş “Brüssel Nevrologiya Deklarasiyası” imzalanıb.

Sözügedәn hadisәlәr Azәrbaycan nevrologiyasının beynәlxalq elmi vә peşәkar platformalarda tәmsilçiliyinin genişlәnmәsi, elәcә dә sahәnin inkişaf perspektivlәrinin daha da güclәndirilmәsi baxımından xüsusi әhәmiyyәt kәsb edir.