Dövri attestasiyadan kecməyən, üzrlü səbəbdən imtahana gəlməyən və analıq məzuniyyətindən qayıdan rezidentlər üçün 11 iyun 2026-cı il tarixində saat 14 00-da Azərbaycan Tibb Universitetinin İmtahan Mərkəzində təkrar dövri attestasiya keçiriləcək.

Dövri attestasiya yazılı test formasında həyata keçirilir və rezident 2 (iki) saat ərzində 50 test sualına cavab verir. Test suallarına hər düzgün cavab 2 (iki) balla qiymətləndirilir. Səhv cavablar və ya sualın cavabsız qoyulması sıfır bala bərabərdir. Testin yekununa görə 60 və ya daha çox bal toplayan rezidentlər dövri attestasiyadan keçmiş hesab olunurlar. 

Dövri attestasiyada iştirak etmək üçün rezidentlər mütləq şəxsiyyət vəsiqələrini təqdim etməlidirlər.

Qeyd: Bütün rezidentlərin İmtahan mərkəzindən şifrələri götürmələri tələb olunur. Şəxsiyyət vəsiqəsi olmayan rezidentlər imtahana buraxılmayacaq!

Dövri attestasiyada üzrsüz səbəbdən iştirak etməyən həkim-rezidentlər növbəti ildə dövri attestasiyaya buraxılmayacaqlar!  

Rezidentura və magistratura şöbəsi