Professor G.Gəraybəyli “Prezident təqaüdçüsü” kimi şərəfli bir ada layiq görülən gənclərə həmin mükafatın tarixini də xatırlatdı. Rektor qeyd etdi ki, Azərbaycan ikinci dəfə müstəqilliyini qazandıqdan sonra ilk illərdə ölkədə gənc kadrlara böyük ehtiyac yaranmışdı. Məhz bu baxımdan, ümummilli lider Heydər Əliyevin Prezident təqaüdü təsis etməsi haqqında məşhur 564 saylı fərmanı yerli kadrların yetişdirilməsi işinə böyük töhfə oldu. Həmin vaxtdan etibarən hər il 100-ə yaxın tələbə bu təqaüdə layiq görülür. Əminik ki, siz Tibb Universitetinin divarları arasında öz biliklərinizi daha da artıracaq, “Prezident təqaüdçüsü” adını 6 ildə fəxrlə qoruyub saxlaya biləcəksiniz”.

Görüşün sonunda II müalicə profilaktika fakültəsinin (II MPF) tələbəsi İsmayılova Səbinə və Bayramova Nisə çıxış edərək ATU tələbəsi sırasına qoşulduqlarına görə çox məmnun olduqlarını və belə bir şərəfli təqaüdə layiq görüldüklərinə görə ölkə Prezidenti cənab İlham Əliyevə təşəkkürlərini bildirdilər. Görüşün sonunda xatirə şəkli çəkildi.

Qeyd edək ki, 2016/2017-ci tədris ilində Azərbaycan Respublikası Tələbə Qəbulu üzrə Dövlət Komissiyasının əmri ilə Azərbaycan Tibb Universitetinə 1002 nəfər tələbə qəbul olunub. Onların arasında 419 nəfər 600-dən artıq bal toplayıb. Onlardan 3 nəfər - 700 qəbul balı ilə ATU-ya daxil olub 954 nəfər həkim və hərbi həkim, 48 nəfər hərbi feldşer ixtisasını seçib. 500-dən çox bal toplayanların sayı isə 444 nəfərdir.