(+99412) 597-38-98

Akademik məsləhətçi

Aslanov Qələndər Asdan oğlu, 01 oktyabr 1975 - ci ildə anadan olub. 1992 - ci ildə Respublika Olimpiya Ehtiyatı Məktəbinin 11- ci sinfini bitirib.
1993 - 1997-ci illərdə həqiqi hərbi xidmətdə olub. Qarabağda gedən döyüşlərin iştirakçısıdır.       
1998 - ci ildə  Azərbaycan Dövlət Pedaqoji Universitetinin (ADPU) İlkin hərbi və fiziki təlim fakültəsinə daxil olub. 2002 - ci ildə Universiteti fərqlənmə diplomu ilə bitirib.
Pedaqoji fəaliyyətə 2003-cü ildə Binəqədi rayon 83 saylı məktəb-liseydə fiziki tərbiyə müəllimi kimi başlamışdır.
2004 - cü ildə Azərbaycan Tibb Universitetinin Bədən tərbiyəsi və idman kafedrasına müəllim vəzifəsinə işə qəbul olunub. Hal-hazırda “Təbib” idman klubunun müəllim-məşqçisidir. 2017 - ci ildən rektorun Sərəncamı ilə Stomatologiya fakültəsinə tədris məsləhətçisi vəzifəsinə təyin olunmuşdur. 2007 - ci ildən ATU-nun Həmkarlar Komitəsi Rəyasət Heyətinin üzvüdür.
2009 - 2012-ci illərdə Ukraynanın Kiyev şəhərində Regionlararası Heyətin İdarəetmə Akademiyasında “Praktiki Psixologiya” üzrə Magistr təhsili alıb.
2013 - cü ildə Ukraynanın Luqansk şəhərində T.Şevçenko adına Dövlət Universitetinə Aspiranturaya qəbul olub. 2017 - ci ildə “Ali Tibb Müəssisəsi tələbələrində sağlamlığa dəyərli münasibətin formalaşdırılması” mövzusunda elmi iş müdafiə etmişdir
2008 - ci ildən Təhsil Nazirliyində orta ümumtəhsil məktəbləri üçün kurikulum proqramı əsasında hazırlanmış Fiziki tərbiyə fənni üzrə “Dərsliklərin və Müəllim üçün Metodik Vəsaitlərin qiymətləndirilməsində ekspertdir.
2012 - ci ildə  Respublika üzrə keçirilən “İlin Ən Yaxşı Müəllimi” müsabiqəsinin qalibi olub.
Dövri mətbuatda “İdmanın insan həyatındakı rolu” mövzusunda çoxsaylı çıxışları olub.  15 - dən çox elmi məqalənin, 1 monoqrafiyanın, 1 tədris proqramının müəllifidir.
1985 - ci ildən idmanla məşğul olur. Məşğul olduğu müddətdə bir çox uğurlar qazanıb. Yunan-Roma güləşi üzrə SSRİ idman ustasıdır. Kyokuşin karate üzrə dəfələrlə Respublika, Qafqaz və müxtəlif beynəlxalq yarışların qalibi, Avropa və dünya çempionatlarının iştirakçısı və mükafatçıları sırasında olmuşdur.
1999 - 2005-ci illərdə Kyokuşin Karate Federasiyasının texniki direktoru və baş məşqçisi işləyib.
Hakimlik dərəcəsinin artırılması məqsədilə dünyanın bir çox ölkələrində təşkil edilmiş seminarlarda və treninqlərdə iştirak etmişdir. Kyokuşin Dünya Birliyi (KWU) Karate təşkilatının Azərbaycanda rəsmi Nümayəndəsi, “Samuray” idman klubu ictimai birliyinin sədridir.
Beynəlxalq dərəcəli Hakim, IV Dan qara kəmər ustasıdır. 2012 - ci ildə Avropanın 2018 və 2019 - cu illərdə müxtəlif beynəlxalq yarışların “Ən Yaxşı Hakimi” seçilib.
2015 - ci ildə  Bakıda keçirilən “Bakı - I Avropa Oyunları”nda məşəldar olub.
2015 - ci ildə Azərbaycan Respublikasının “Əməkdar məşqçisi” fəxri adına layiq görülüb.
Ailəlidir, bir övladı var.