“İctimai fənlər” kafedrasında həyata keçirilən bakalavr səviyyəli tədris cəmiyyətin sosial, mədəni və iqtisadi inkişaf proseslərini dərindən dərk edən, tənqidi və analitik düşüncə qabiliyyətinə malik mütəxəssislərin hazırlanmasına yönəlib. Kafedra humanitar və ictimai elmlər sahəsində fundamental biliklərin formalaşdırılması vasitəsilə tələbələrin dünyagörüşünün genişləndirilməsini və peşəkar hazırlığının gücləndirilməsini təmin edir.

Tədris prosesində Azərbaycan tarixi, Fəlsəfə, Multikulturalizmə giriş, Səhiyyənin iqtisadiyyatı və Səhiyyənin maliyyələşdirilməsi, Ali məktəb pedaqogikası  fənləri tədris olunur. Bu fənlər vasitəsilə tələbələr cəmiyyətin tarixi inkişaf mərhələlərini, fəlsəfi düşüncə sistemlərini, multikultural dəyərləri, eləcə də səhiyyə sahəsində iqtisadi münasibətləri və maliyyə mexanizmlərini nəzəri və praktiki baxımdan mənimsəyirlər.

Proqramın məqsədi tələbələrdə sosial prosesləri və ictimai münasibətləri elmi əsaslarla təhlil etmək, fəlsəfi və tarixi biliklərdən istifadə etməklə müasir problemlərə sistemli yanaşma formalaşdırmaq, səhiyyə sistemində iqtisadi səmərəliliyi və maliyyə dayanıqlığını qiymətləndirmək bacarıqlarını inkişaf etdirməkdir.

Təhsil müddətində tələbələr tənqidi düşünmə, analitik təhlil, sosial və iqtisadi proseslərin qiymətləndirilməsi, elmi əsaslandırılmış qərarların verilməsi, eləcə də multikultural mühitdə səmərəli ünsiyyət və əməkdaşlıq bacarıqlarına yiyələnirlər.

Kafedranın tədris etdiyi fənlər məzunların dövlət və özəl sektorda, səhiyyə və sosial sahələrdə, elmi-tədqiqat və təhsil müəssisələrində, eləcə də ictimai və beynəlxalq təşkilatlarda uğurlu peşə fəaliyyəti üçün möhkəm nəzəri baza formalaşdırır.

Azərbaycan tarixi

Fəlsəfə

Multikulturalizmə giriş

Səhiyyənin iqtisadiyyatı

Səhiyyənin maliyyələşdirilməsi

Ali məktəb pedaqogikası