Artıq təlimdə ilk mərhələni başa vuran tələbələrin ilkin yardımı hansı səviyyədə mənimsədiklərini yoxlamaq məqsədilə test imtahanı keçirilib. Bundan sonra həmin tələbələr Tədris Cərrahiyyə Klinikasında manekenlər üzərində praktikii bacarıqlarını nümayiş etdiriblər.

Oktay Hüseynov bu təlimlər zamanı tələbələrə ürək masajı ritmini öyrətmək üçün Azərbaycanda ilk dəfə olaraq mahnı üsulundan (Bee gees Stayin alive) istifadə etdiyini deyir. Onun sözlərinə görə, bu metoddan Amerikada ilk dəfə David Matlock istifadə edib.

Xatırladaq ki, respublikamızda nəzəriyyə və təcrübəni əhatə edən, Azərbaycan, ingilis və rus dillərində keçirilən treninqlər zamanı müasir avadanlıqdan və dünyada tanınan “Laerdal” şirkətinin xüsusi tədris manekenlərindən istifadə edilir. Manekenlər süni ağciyər, ürək-damar sistemləri və digər xüsusi cihazlarla təchiz olunub.

Məşğələlərin sonunda praktiki və test imtahanları keçirilir, onların nəticəsindən asılı olaraq treninqi bitirənlərə sertifikatı verilir.