T.Mahmudov bildirir ki, implantların yerləşdirilməsi üçün yaş məhdudiyyəti yoxdur: Bizim xəstələr arasında aşağı çənəsinə 4 içplant yerləşdirdiyimiz 81 yaşlı insan var. Biz sadəcə pasiyentin maddi durumundan və çənə strukturundan asılı olaraq çıxan, yoxsa çıxmayan protezlər qoyulmasına dair qərar veririk”.

İmplantların qoyulması və tamamilə çənədə oturuşması bir neçə ay çəkir. İlk olaraq cərrahiyyə mərhələsində implant çənəyə yerləşdirilir. Bir neçə ay keçəndən sonra (bu müddət aşağı çənədə 2-3 ay, yuxarı çənədə 4-6 ay təşkil edir) üstündə protezləmə aparılır. Bəzən implntlarda müəyyən stabillik müşahidə olunduqda cərrahiyyə mərhələsi ilə birlikdə ortopedik müalicə də aparılır.

Həkim bildirir ki, implantların yerləşdirilməsindən sonrakı mərhələdə implantüstü protezlərin qoyulması üçün ölçü götürülür. Texniki mərhələ təxminən 7-10 gün ərzində aparılır. Protezlər bir neçə dəfə yoxlanılır. Əgər dişlər həm funksional, həm də estetik cəhətdən tələblərə cavab verirsə, onda implantüstü protez pasiyentlərə birdəfəlik təhkim edilir. T.Mahmudov xatırladır ki, adi dişlər kimi implantlara da vaxtaşırı qulluq göstərilməlidir və daim stomatoloqun nəzarəti altında olmalıdır.