Sağlamlıq imkanları məhdud uşaqların müayinəsi aparılıb.

Azərbaycan Tibb Universitetinin (ATU) Tədris Cərrahiyyə Klinikası Yeni Azərbaycan Partiyası (YAP) Nərimanov rayon təşkilatı Qadınlar Şurası ilə birgə sağlamlıq imkanları məhdud olan uşaqlar üçün xeyriyyə aksiyası keçirib. Novruz bayramı ərəfəsində baş tutan aksiyasının məqsədi uşaqların sağlamlıqlarının qorunmasıdır. Aksiya çərçivəsində sağlamlıq imkanları məhdud uşaqlar üçün 5 nömrəli Respublika xüsusi internat məktəbinin şagirdləri müayinə olunub. Aksiyada 12 nəfər uşaq iştirak edib. Onlardan ikisi sünnət olunub, digərləri isə müxtəlif müayinələrdən keçirilib. Uşaqlardan qan analizi alınıb, ehtiyac yarandığı təqdirdə USM müayinəsindən keçirilib, fəqərələri yoxlanılıb, qasıqları, daxili orqanları ətraflı yoxlanılıb. Müayinə nəticəsində uşaqlarda aşkar olunmuş xəstəliklərin müalicəsi aparılacaq.