9-11 fevral vә 11-13 mart 2026-cı il tarixlәrindә Müstәqil Akkreditasiya vә Reytinq Agentliyinin (Independent Agency for Accreditation and Rating) xarici ekspert komissiyası tәrәfindәn S.D.Asfendiyarov adına Qazaxıstan Milli Tibb Universitetinә vә Karaqanda Tibb Universitetinә sәfәrlәr tәşkil olunub.

Sәfәrlәr çәrçivәsindә doktorantura vә magistratura sәviyyәlәri üzrә tәhsil proqramlarının beynәlxalq ixtisaslaşmış akkreditasiyası hәyata keçirilib. Azәrbaycan Tibb Universitetinin (ATU) әmәkdaşı, İnnovasiya vә keyfiyyәtin idarә olunması şöbәsinin müdiri, dosent Aygün Babayeva qeyd olunan komissiyanın tәrkibindә beynәlxalq ekspert kimi fәaliyyәt göstәrib.

Sәfәr zamanı gәlәcәk mütәxәssislәrin peşәkar hazırlıq sәviyyәsi hәrtәrәfli vә sistemli şәkildә qiymәtlәndirilib. Dosent Aygün Babayeva universitet fәaliyyәtinin bütün әsas aspektlәri ilә tanış olub, universitet rәhbәrliyi vә kafedra müdirlәri ilә bir sıra qarşılıqlı әmәkdaşlığın inkişafına yönәlmiş sәmәrәli görüşlәr keçirib. Hәmçinin tәlәbәlәr arasında sorğular aparılıb, doktorant vә magistrantların tәcrübә keçdiklәri Simulasiya mәrkәzi, laboratoriyalar vә klinik bazalarla tanışlıq hәyata keçirilib. Sәfәr çәrçivәsindә mәzun vә işәgötürәnlәrdәn kadr hazırlığının sәviyyәsinә dair mәlumatlar toplanıb.

Qeyd edәk ki, ATU әmәkdaşının bu kimi mühüm proseslәrdә iştirakı universitetin akademik heyәtinin yüksәk peşәkarlıq sәviyyәsini vә elmi-pedaqoji potensialını әyani şәkildә nümayiş etdirir, eyni zamanda tibbi tәhsil sahәsindә beynәlxalq әmәkdaşlığın güclәndirilmәsinә mühüm töhfә verir.

Sonda qeyd olunur ki, sәfәr çәrçivәsindә aparılmış müzakirәlәrin nәticәlәrinә әsasәn akkreditasiya ilә bağlı yekun qәrarın qәbul edilәcәyi nәzәrdә tutulur.