“Əczaçılıq kimyası” kafedrasında bakalavr proqramı dərman vasitələrinin keyfiyyətinə nəzarətin təşkilini, əczaçılıq analizin həyata keçirilməsini təmin edən mütəxəsisləri hazırlayır. Proqramın məqsədi dərman vasitələrinin alınma və standartlaşdırılma üsullarını öyrədilməsidir. Məzunlar dərman vasitələrinin fiziki-kimyəvi və kimyəvi xassələrini, həmçinin tədbiq olunma sahələrini, müxtəlif əczaçılıq terminləri (farmakoloji maddə, dərman vasitəsi, preparat, prodərman, prekursor və s.), dərman vasitələrinin adlandırılması (İNN, jenerik, brend, ticari), GLP, GMP və digər beynəlxalq standartlar öyrənirlər. Həmçinin dərman vasitələrində izomeriya (həmçinin fəza izomeriyası), dərman maddələrində “quruluş-fəallıq” əlaqələri, alınma üsulları (empirik, məqsədyönlü sintez, bioloji sintez, mikrobioloji sintez, asimmetrik sintez), bioloji fəal maddələrin alınma üsulları araşdırılır. Proqram çərçivəsində tələbələrə dərman maddələrinin keyfiyyətini nizamlayan Normativ sənədlərlə (Farmakopeya, MFM) işləmə vərdişləri aşılanır, dərman substansiyaları, bir və çoxkomponentli dərman vasitələrinin eynilik, təmizlik və miqdarı təyinatı üsulları öyrədilir. Bakalavr təhsilini başa vuran məzunlar fiziki, fiziki-kimyəvi (optik üsullar, xromatoqrafiya və s.) və kimyəvi (titrimetriya) analiz üsullarına yiyələnirlər, analitik xidmət və istehsal prosesində keyfiyyətə nəzarət laboratoriyalarında, eləcə də tədqiqat və təhsil mərkəzlərində mütəxəssis kimi fəaliyyət göstərə bilirlər.

Əczaçılıq kimya I

Əczaçılıq kimyası II

Əczaçılıq kimyası III

Əczaçılıq kimyası IV

Dərman sənayesində analiz üsullarının işlənib hazırlanması və keyfiyyətə nəzarət