I Daxili Xəstəliklər kafedrası çərçivəsində tədris olunan Kardiologiya və Nefrologiya fənləri ürək-damar və böyrək xəstəliklərinin diaqnostikası, müalicəsi və profilaktikası sahəsində yüksək ixtisaslı mütəxəssislərin hazırlanmasına xidmət edir. Kafedranın əsas məqsədi tələbələrə daxili xəstəliklərin patogenezi, klinik təzahürləri, müasir diaqnostik yanaşmalar və sübuta əsaslanan müalicə prinsipləri üzrə dərin nəzəri biliklər və praktiki bacarıqlar qazandırmaqdır.

Tədris prosesi zamanı tələbələr ürək-damar sistemi xəstəlikləri, arterial hipertenziya, işemik ürək xəstəliyi, ürək çatışmazlığı, ritm pozğunluqları, eləcə də böyrəklərin iltihabi və xroniki xəstəlikləri, nefrotik və nefritik sindromlar, xroniki böyrək çatışmazlığı və dializ müalicəsinin əsasları üzrə biliklər əldə edirlər. Kardiologiya və Nefrologiya fənləri klinik təfəkkürün formalaşdırılmasına, xəstələrin kompleks qiymətləndirilməsinə və fərdi müalicə planlarının hazırlanmasına xüsusi diqqət yetirir.

Kafedra çərçivəsində klinik məşğələlər, praktik məşqlər və müasir tibbi texnologiyalardan istifadə etməklə tələbələr real klinik vəziyyətlərdə qərarvermə, laborator və instrumental müayinə nəticələrinin interpretasiyası, multidissiplinar yanaşmanın tətbiqi bacarıqlarına yiyələnirlər.

Daxili Xəstəliklər kafedrasında təhsil alan məzunlar gələcək peşə fəaliyyətlərində səhiyyə müəssisələrində həkim-terapevt, rezidentura pilləsində ixtisaslaşma üçün namizəd, eləcə də elmi-tədqiqat və tədris sahələrində fəaliyyət göstərmək üçün zəruri bilik və bacarıqlarla təmin olunurlar.

Kardiologiya (MPF 1 V)

Kardiologiya (VI kurs)

Nefrologiya ( MPF-1,MPF-2,Hərbi Tibb )

Nefrologiya ( MPF-1 VI )