“İNSAN ANATOMİYASI VƏ TİBBİ TERMİNOLOGİYA” kafedrasında bakalavr proqramı

“Anatomiya” kafedrasında bakalavr proqramı gələcək həkimlərə insan orqanizminin quruluşu, inkişafı və funksional əlaqələri haqqında fundamental nəzəri biliklər və praktik bacarıqlar qazandırır. Proqramın məqsədi tələbələrdə orqan və sistemlərin makroskopik, mikroskopik və topoqrafik anatomiyasını, embrioloji inkişaf mərhələlərini, klinik anatomiya və dinamik anatomiya prinsiplərini öyrətməkdir.

Tədris çərçivəsində tələbələr:

• Sümük-əzələ sistemi, sinir sistemi, ürək-damar sistemi, tənəffüs, həzm, sidik-cinsiyyət və digər orqan sistemlərinin quruluşunu və funksional əlaqələrini öyrənirlər.
• Dinamik anatomiya vasitəsilə hərəkətlərin biomekanikasını, oynaqların funksional imkanlarını, əzələlərin koordinasiyasını və gündəlik fəaliyyətlərdə iştirakını təhlil edirlər.
• Topoqrafik anatomiya ilə cərrahi müdaxilələr üçün vacib olan anatomik orientirləri tanıyırlar.
• Histologiya və embriologiya fənləri ilə inteqrasiya olunmuş şəkildə hüceyrə və toxuma səviyyəsində quruluşu mənimsəyirlər.
• Klinik anatomiya nümunələri əsasında xəstəliklərin patogenezi ilə anatomik dəyişikliklərin əlaqəsini təhlil edirlər.

Bakalavr mərhələsini bitirən məzunlar:

• İnsan orqanizminin normal quruluşunu və inkişaf qanunauyğunluqlarını izah edə bilirlər.
• Dinamik anatomiya bilikləri əsasında hərəkət aparatının funksional pozğunluqlarını qiymətləndirə bilirlər.
• Klinik praktikada anatomik bilikləri tətbiq edərək xəstəliklərin diaqnostikasında və müalicəsində həkimlərə dəstək verirlər.
• Tibbi təsvirlərin (rentgen, KT, MRT) interpretasiyasında anatomiya və biomexanikaya aid biliklərdən istifadə edirlər.
• Tədris, tədqiqat və klinik fəaliyyətlərdə anatomiya biliklərini tətbiq edərək multidissiplinar komandalarda işləyə bilirlər.

İnsan anatomiyası və tibbi terminologiya kafedrası (Tibb fakültəsi)

İnsan anatomiyası və tibbi terminologiya kafedrası (Stomatologiya fakültəsi)

İnsan anatomiyası və tibbi terminologiya kafedrası (Əczaçılıq fakültəsi)

İnsan anatomiyası və tibbi terminologiya kafedrası (Tibb bacisi işi fakültəsi)

İnsan anatomiyası və tibbi terminologiya kafedrası (Fizioterapiya fakültəsi) 

İnsan anatomiyası və tibbi terminologiya kafedrası (İctimai Səhiyyə fakültəsi)

İnsan anatomiyası və tibbi terminologiya kafedrası (Hərbi Tibb fakültəsi)

İnsan anatomiyası və tibbi terminologiya kafedrası (Feldşer hazırlığı – Hərbi Tibb fakültəsi)